Bunduki 500 ira iraari na mwingi guchokua kiri borisi Rift Valley


Bunduki itakunyiira 1,500 itari na barua ninenkaniritwe kiri rwong’i rwa ukaria gishigo kia Rift Valley.

I kiri mutaratara ura uthiite mbere wa mwingi guchokia bunduki ira iri njarani ciago kinyume na watho kwongeera ukaria nteere inu.

Kamishna wa kaunty ya Nakuru Erastus Mbui augiite nwigiitue kuri na winyangia bwa into, wamba bwa nyamu cia ndiithia na antu guta utuuro kiri kaunty mwanya cia gishigo giku, untu bura bukuirigiirwa gukinya muthia.

Araaragia kiri mucemanio wa ukaria ura uraleteete amwe antu kuuma nteere cia Pokot, Turkana, Baringo, Elgeyo-Marakwet, Nakuru na Narok na kuurua baaranirie na mwingi kunenkanira bunduki inu kiri iruo bia ukaria bira biri akubi na njira ya thiiri.

Murugamiri wa gikundi kia National Focal Point Charlton Mureithi augiite mweri uyu wa kenda nwathuriitwe i ngwataniro cia nthiguru cia Afrika uri wa guchokia bunduki ira iri na mwingi kinyume na watho ta njira ya kwaiga thiiri gitaru kia Afrika.