Bolici Isiolo gucwaa ntomurume umwe waandite bhangi plotine Bula, Isiolo North


Akari itura ria Waso, wadi ya Bulapesa gicigone gia Isiolo North nibatigi na kimako nyuma ya kumenya ati ntomurume umwe ndeo nethiritwe akirima bhangi plotine iria ethiritwe akimenyera iturene riu.

Kuringana na kamishna wa Isiolo Harman Shambi uria utongeretie musako jwa gukura bhangi iu, eene ploti nibakubatara kwaandika antu barina uugi bwa kumenyera ploti ciao iria no itirambia kuritirwa ngugi kweba makarika ta jau.

Shambi nekite wirane ati akari ba Isiolo bakathomithua njira cia kwathurana bhangi na imera bingi nikenda bakoomba gutetheria mafisaa ba ukaria na nteto iria ikathingatiria kugwatwa kwa wonthe witithitie mbere winyangia buu bwa urimi bhangi.

Nongerete kuuga bolici no bagucwaana na muthuganirua uu uria ukathitangwa kumana na iitia riu.