Board ya kuramata NHIF kuregana na uhoro wa kuirikana ati ruri hakuhi guthinikana


Board ya kuramata ruhonge rwa kigina kia ugima wa muiri NHIF ni ikinyiririe ati noiguthii na mbere na guthingatithia  mendekithia maria yaheaniite hau kabere na mworoto wa kugacirithia ruhonge ruu.

Munini wa muikariri giti wa board iyo Roba Duba

Niwe uheaniite uhoro ucio kuria ningi  agithiitie kiene uhoro wa kuirikana ati ruhonge ruu ruri kigera-ini gia guthinikana niundu wa wagi wa mbeca.

Oho niatariirie ati  nimambiriirie gutacukia makinya mahiu kuri aruti wira aria makoretwo magitungata ruhonge-ini ruu na njira cia nguungo.

Duba ningi niakumithiitie  mathibitari mamwe maria augiite makoretwo makihuthira njira cia nguungo guitia marihi ma aruaru kuuma ruhonge-ini ruu.