Bank ya Equity kugwatanira na onjoria anini county ya Embu


Vuva wa muthuko wa COVID-19, utonga wa nthi yonthe niwavutirue na gikiro kinene vuva wa biashara gucoka nthi. Na vuva wa thirikari kwanirira kuvingura mivaka, riu kiama kia aruti biashara vururiri, nikio Kenya national chambers of commerce and industries nikigwatanirite na bangi ya Equity niguo gutethereria aruti biashara aria ni amemba a kiama kiu gukiriria biashara ciao. Kurinagana na mwikariri giti wa kiama kia aruti biashara thiini wa county ya Embu, John Mugo Mate niati, bangi iyo nitengete ciringi birioni 200 cia kuva aruti biashara mikovo itari na maciaro manene niguo gukiriria biashara ciao. Augite ati, angikorwa county ya Embu nikuvewa kwambiriria ciringi birioni 5 nginyagia 10 biashara cia ekari a county iyo nicikumarira makiria. Augite mitaratara ya guoca mikovo iyo ni mivuthu niundu kiria gikendekana ni ukorwe tu uri mumemba wa kiama kiu.