Babandu 3 bafwa ne khutasa bukali bwe babandu bafwile khukhwamanana ne bulwale bwa korona khuba 45


Bukali bwe babandu bachile emakombe  khukhwamanana ne bulwale bwe khaukha kha korona  mwirambo nono bwolile 45.Khuno khulondela lifwa lie babandu babandi bataru khubise bie chinyanga 24 chibirire.Bukali buno bwamakhurwa abuwanga nende omulondela wo omusibayi musikuka sie bulamu Dr Rashid Aman musikhasio nende banamakhuwa musikuka sie bulamu khunju ya afya musirimba sibofu sia Nairobi.

Mubise ebio Aman amakhubola ali babandu 23 babele nebanyolekha ne bulwale bwe khaukha kha korona ne khutasa bukali bwe babandu banyolekhe ne bulwale obwo mwirambo khuba 781.Khu 23 abo  khuli nende babandu   11  khukhwama Nairobi,5 khukhwama Mombasa,3 khukhwama Kajiado, 2 Kiambu nende babandi babili khukhwama Wajir.