Atongoria kuromba NPR bachokerua bunduki, bara bari nacio kinyume kia watho bakiurua bacinenkanire


Kuumania na kwongereka kwa waagi bwa ukaria na wamba bwa nyamu cia ndiithia nteere ira mbumu county ya Meru, bamwe ba atongoria ibakuromba maafisa ba NPR guchokerua bunduki kaingo gutetheeria kwaiga ukaria nteere inu..

Kagiitani gaku, bara bari na bunduki kinyume na watho county ya Isiolo ibauriitue gucichokia kana bathukirue matagaaria ma kiwatho.

Muguramiiri wa thirikari mantuni ma ukaria gishigo kia Eastern Isaiah Nakoru augiite gutiri muntu ageetigiirue gukara na bunduki kinyume na watho na kwangaratania ukaria na thiiri gati ka mwingi.

Augiite bunduki itakunyiira 300 nithukiitue kuuma kiri mwingi county ya Marsabit na untu bubu bukaathi mbere kiri county cingi.