Atongoria Embu gukuma gukanyirirua ni utongoria wa kiama kia Jubilee


Mogaruruku maria mathiete nambere na kwonekana kiamari kia jubilee nimathiete nambere na gututhura mawoni ngurani .

Wa vakuvi kuruta woni wake iguru ria mogaruruku mama ni munjumbe wa gicigo ubunge kia Manyatta John Muchiri uria ugite timetikira mogaruruku mama mathoge uruti wira wa atongoria engi kiamari giki kwi mwingi uria wamathurire .

Ino ni guku Muchiri akiuga timakorwa makiagagua guku agikirira nganja uruti wira wa bunge ya senate iria augite ndiratethia vururi wa Kenya ni kiria augite mogaruruku mama magumiritwe ni mbukaniriro cia ki uteti guku ikionekana kwerekerua kwi arumiriri a vakuvi a munini wa raisi William Ruto .

Akiaria ai iturari ria Managia gicigo ubunge kia Runyenje county ya Embu kuria akuvecaga arimi miti ya kuvanda ya Macadamia, Muchiri augite timetikiria thirikari iria matethereria gucaria kura kimera kithiru kia ithurano kumatua mwena wa mungethaniro.

Wauguo niugite kwina uvotekeku igikinya mwaka wa 2022 maundu magaruruke na andu aria mai mwena wa raisi Uhuru Kenyatta mathamire mwena wingi guku akigweta kwivariria kwao igikinya kavinda kau ka uteti .