Athauki ma Muika Twivetangane na Utumii wa ndawa sya Kumila Vaa Kenya


Ula unai ngumbau ya mathau ma kusemba mita ngili 3 kuthaanuka ndwii na kiw’u Moses Kiptanui, niwavoya muika wa matuku aa wivetangane na kutumia ndawa ila ngune muungu sya kwongela vinya maleenyu, ayasya undu usu withiitwe uyonania visa muthuku kwa athauki ma ivinda yii vaa Kenya.

Kiptanui niwe ngumbau ya kusemba ya mbee vaa Kenya kusemba mathau asu ma kuthaanuka ndwii na kiw’u ungu wa ndatika 8.

Kiptanui eneeneyaa ndeto isu kyathini kya kumumaasya Muthauki mututia Ben Jipcho,ula unathikiwe muthyani wa kyumwa kivitu kauntini ya Trans Nzoia.