Asyai nimakanw’a maeke ulekeleelya syana


Asyai nimakulw’a methwe memetho muno kwa syana syoo ivindani yii nthi ya Kenya na nthi yonthe yiendeeye kuukitana na uwau wa tulinyu twa ikua ya corona.

MCA wa ward ya Kitise/ Kithuki kuya Makueni Kelvin Mutuku niwakania asyai wa ward yake kana yu itina wa sukulu kuvingwa nimo maile ithwa musitalini wambee kuikiithya kana syana iinasulula kuu masokoni kula kwina muisyo wa kukwatwa ni uwau usu.

Ingi MCA usu niwakulya macontractor ala manengetwe wia kisioni kyake maendeeye na wia woo ateo mayiatiiya miao ila silikali yikiite kuikiithya kana uwau usu wa corona uinanyaiika.