Aritwa gukinyithua kotini bakiringithanua na kubiithua wa cukuru ya Nthagaiya, Embu


Aritwa 24 ba cukuru ya aari ya St Catherine Nthagaiya kaunty ya Embu ibakuirigiirwa gukinyithua kotini ya Runyenjes bakiringithanua na kubiithua wa cukuru inu.

Ino i nyuma ya koti inu kwaa borisi ba Runyenjes ntugu imwe kurikia uchunkuni iguru ria aritwa babu.

Kamada wa borisi kaunty inu Daniel Rukunga augiite mubango wa kubiithua wa cukuru inu waruthirwe naaritwa babu bara boothanirie mbeca nyuma ya kuingatua bagiteethagirua i muritwa gungi wa cukuru ya nthaka ya Kegonge ira kinya yoo yingitwe nyuma ya nyomba imwe ya kumamwa naaritwa kubea.

Rukunga augiite muritwa uyu wa Kegonge kinya wee neekiritwe mpiini na agakinyithua kotini amwe na aari babu ba Nthagaiya.

Tayari, cukuru ya aari ya Nthagaiya niingitwe kwa igiita ritakumenyekana wa rira uchunkuni nkuruki buthiite mbere.