Aritwa ba university gukurukira KUSO kurita mawendekithia jaria baringienda jekirwa ribotine ya BBI


Aritwa ba mauniversity gukurukira ngwataniro yao ya KUSO kinyabo nibakinyite mbere ya gikundi kia BBI kiegie kuingua kwa riboti iu kurita mawendekithia jaria baringienda jekirwa ribotine iu.

Aritwa ba university nkuruki na mawendekithia jangi nibakwenda mikobo iria bakuewa ni mbondi ya HELB igarurwe gutwika utethio buia batiendekana kuriira nyumene.

Nibakuuga baingi ba aritwa nyuma ya mathomo nibaagaga ngugi kumana na wagi bwa twanya twa ngugi aja nthigurune, na kwou gutwika thiina kiribo kuria mikobo iria baegi ni HELB.

Oo nibakwenda mbia iria bakuewa ni HELB ciongerwe kuuma shilingi ngiri 35 cia nandi, oo bakienda watho buthondekwe kurigiria bolici gutonya kiri mauniversiry kagita ka mugomo, untu buria bakuuga nibaguchangira bolici kuguraria na kinya kuraga aritwa.