Aritwa 80 ba kithomo kia watho Nairobi University kuregana na mathomo ja mutandao


Aritwa 80 ba kithomo kia watho kiri university ya Nairobi nibetite kortini kuregana na itua ria university iu kubaritana gukurukira mitandao, amwe na kubaa igerio o gukurukira mutandao.

Aritwa bau nibakwenda korti irite watho bwa kurigiria university iu kubaritana gukurukira mitandao.

Aritwa bau nibakuuga bamwe bai bari miena ya matura kuria gutonya mutandaone ni untu buumo mono, na kinya bakoomba kugwata mutandao, batiumba guciiga naju.

Oo nibakuuga itua riu rikinyaniritue batiuritue uuge bwao, na ati bo baciandikithirie universitine iu kuritanwa bari iracine imwe kwa imwe, ti kuthoma gukurukira mutandao, na oo bari kaja ka university iu bukethirwa buri untu bubumo kiribo kugwatwa mauku kuuma Library.