Arimi Kirinyaga kugwata mbaru mawatho ma majani


Arimi ba majani kauanty ya Kirinyaga ibakuwata mbaru mawatho mara meendekithiitue i thirikari gukurukiira rwong’i rwa urimi kurugamiiri urimi, wendia na uguri bwa majani aaga nthiguru.

Bakiaria cukuru ya secondary ya aari ya Mugumo kagiita ka mucemanio na minista wa urimi aaga nthiguru Peter Munya, arimi nkeruki ya 300 baugiite KTDA ka ibatiiri kuthiyania na wendi bwago.

Ibameneeretie anene KTDA bakiuga utigiitue bakiwata dividends ciago bura kubatiiri na batiitagwa micemanio ya kira mwanka teo AGM kwariiria factory ciago cia majani na mathiina mara bagukurukiira.

Minista Munya naugiite gati ka mawatho mara meendithiitue i weeru kiri wendia na uguri bwa majani thokoni ya munara nteere cia Mombasa ara kira murimi akaagwataga riboti ya thoko.

Munya nakuirigiirwa kuriunga kaunty ya Tharaka Nithi na Meru ara agaakomana na arimi ba majani nteere cia Kajiunduthi na Kionyo kithingatano ntugu ya imunthi.

Mubunge wa South Imenti Kathuri Murungi nathiriitie nkanja na uguaya bwa waagi bwa ukaria kiri mucemanio wa Kionyo akiuga ukeegua kuri na ukaria bwa kugana.