Arigitani kuria thirikari ibae into bia gwikaria, 3 bakigwatwa ni coronavirus


Kiama kia arigitani aja nthigurune nikiguteta ni kiria gikuuga ni thirikari gutejaniria arigitani baria bagutungatira ajie ba virus ya corona.

Mwandiki munene wa kiama kiu Seth Panyako nakuuga tayari arigitani bathatu nibagwatithitue virus ya corona kuuma kiri ajie baria bagutungata cibitarine mwanya aja nthigurune nikwithirwa batina into bia gwikaria ngugine ciao.

O kagitene kau Panyako nakwenda thirikari yathure arigitani bau batigatangamane na nja ciao nyuma ya gutungata ajie ba corona, nkuruki na kubaa into bia gwikaria nabio.