Aria marwariire micii kurio metikire guthii mathibitari


Andu aria magumiirwo ni ndwari nimoriitio metikire guthii thibitari gutangikirwo ithenya-ini ria kuhinyiririkira micii-ini yao niundu wa gwitigira murimu wa Covid-19.

Ni ritana rikiitio ni murugamiriri munene wa gikundi kia Ahadi Kenya Dr Stanley Kamau uria no mumember wa board ya kuramata thibitari ya kibururi ya Kenyatta akiuga mitaratara mianduku niyariirwo mathibitari-ini moothe niguo gutigiriira aruaru matinataaha murimu ucio riria mathii kumaathia motungata ma urigitani.

Akiaria county-ini ya Nyeri Kamau augiite ni kieha kuona kuri andu aingi marakuira micii niundu wa gwitigira guthii thibitari,,,oriri kuri na ndawa cia kuigana hamwe na arigitani a kumatangikira mathibitari-ini.

Gukiri uguo nioriitie atongoria a ruhonge rwa wathani wa matuura matigiriire andu aria oothe marwariire mici-ini nimaguthukio thibitari gutari kuria mariigu niguo kuhonokia mioyo yao.