Antu beeru 149 kugwatikana barina corona, 48 kwamburwa na 5 gukua kumana nayo


Antu 5 nibakwite kumana na corona indiria bangi 149 bakujiri kugwatwa ni virus iu.

Mungana jwa baria bagwati niyo gwanka nandi nijwongerekete na gwanka antu 5,533, indiria baria borete kumana nayo bagianka 1,905 nyuma ya bangi 48 kwora.

Kiri gikaro kia o ntuku, mwandiki munnee murungamiri kiri ministry ya ugima bwa mwiri Dr.Rashid Aman naugite ministry ya ugima bwa mwiri nitithitie mbere ucunkuni kumenya kiwango kia ugwatithania kunthe aja nthigurune.

Oo murungamiri wa ugima bwa mwiri Dr. Francis Kuria nendete thirikari cia kaunti ciithirwe iri tayari kiri gutigira nigukinyaniria mubango jwa kwithirwa na itanda bitikunyiira 300 bia kumama ajie ba corona niuntu makarika nijakwirigirwa kwongereka kinya nkuruki.