Antu 5 gukua mutinone jwa barabara Londiani Junction, barabara ya Nakuru-Kericho


Antu 5 nibakwite na bangi 12 kugurarua buthuku nyuma ya gukonanua na mutino jwa barabara gicigone kia Londiani Junction, barabarene nene ya Nakuru gwita Kericho.

Agikujira mutino juu, kamanda wa bolici gicigo kia Londiani Musa Kongoli nakuuga mutino juu ni kumana na lori muthemba jwa trela nyuma ya mbreki ciyao kurema na kuringa ngari nkuruki ya 6 iria ikurungami mwikano jwa barabara.

Kamanda Kongoli nakuuga abiria ba ngari iu kabakuthimagwa iwango bia kirutira mwiri kiri kurwaa na corona mbere yabo gwitikirua gwita mbere na safari.

Nongerete kuuga bau baguraritue nibagutungwatwa cibitari ya Kericho na Londiani, miiri ya bau bakwite igiikwa mortuary ya cibitari o iu.