Antu 13 gukua kumana na ruciba Marsabit na Turkana


Antu 13 nibakwite kumana na murimo jwa ruciba aja nthigurune.

Ni nteto kuringana na minista wa ugima bwa mwiri Mutahi Kagwe, kagita ka gikaro gia ntumiri ya o ntuku yegie murimo jwa Covid 19.

Minista Kagwe naugite mutumuko juu jwa murimo jwa ruciba jwambiririe kaunti ya Garissa, na gwa kagita jwakinya kauntine ingi tacio Wajir, Turkana, Muranga na gukinya Marsabit mweri muthiru.

Gwanka nandi kurina makarika 550 ja murimo jwa ruciba, kiri jau ni 268 kaunti ya Marsabit na 222 jari kaunti ya Turkana.

Ni gwa kagita kau atumiritie ikuu 13 kumana na murimo juu, 12 kaunti ya Marsabit na kimwe kaunti ya Turkana, gicunci kia 40 kia makarika jau na 70 gia ikuu biu biegie aana ba ukuru bwa miaka 10 kwinama.

Minista Kagwe nongerete kuuga makarika ja kaunti iu ingi iringithitue ni mutumuko jwa murimo juu jaria ni 48 kaunti ya Garissa , Wajir 4 na Muranga 8, nijagutungatwa , akiuga nibakuritaniria ngugi na thirikari cia kaunti cia Marsabit na Turkana, kwona murimo juu jurithirira o kauntine iu jutigutamba kairi,