Andu ngiri igiri na magana matano kuhamurithio ni thirikari kuuma mutitu-ini wa Mau


Andu matanyihiire ngiri igiri na magana matano nio marikitie kuhamurithio kuuma mutitu-ini wa Mau, kurumirira birigiceni iria iratabanio ni thirikari.

Kamishna wa kaunti ya Nakuru Erastus Mbui niwe uheanite ndumiriri ino, akiuga aingi maumite na njira ya kwiyendera.

Mbui erite Inooro Ruciini na njira ya thimu ati andu aria maraikaraga mutitu-ini ucio ni makoretwo making’ethanira na mithingi ya kinduriri, na riu thirikari iramaruturura niguo guthatia ngahiha.

Indi aikari aria mahamurithitio ni mamenereirie maabithaa a mititu makiuga marathii makimundagia nyumba miaki mwena wa Marioshoni gicigo-ini kia Molo.