Andu ngili umwe 1,211 Umunthi nimo maikiithwa kukwatwa ni uwau wa Corona.


Andu ngili umwe 1,211 Umunthi nimo maikiithwa kukwatwa ni uwau wa Corona.

Kiu ni kumana na ithimo sya andu 9,304 ala mathimwa uwau wa corona ungu wa masaa 24 mavituka.

Nthini wa kaunti ya Ilovi, umunthi vakwatikana andu 410 Mena uwau wa Corona,Mombasa 102, Nakuru 40, Masaku 25, kajiado 21 naa Makueni mundu umwe.

Asu ma kuma kauntini ya Masaku, sub kauntini ya Athiriver vakwatikana andu 13,Masaku town 7,kangundo 2, Kalama, kathiiani na Matungulu kila vamwe mundu umwe.

Kuatiania na report ila yatumiwa mivia ya Unyaiikya wa mauvoo, andu 368 nimo mamina kuvutiwa kuma sivitalini syi kivathukanio, mamina kuvoa vyu uwau wa Corona.

Ona uu wiovo,Andu 17 nimaikiithwa kutiwa ni thayu kumana na uwau wa Corona.

Ikw’u isu syavikya andu ngili 1,366 ala maminite kutiwa ni thayu kumana na uwau wa Corona, kuma yila wavikie vaa Kenya.

Kaunti komishiner wa kaunti ya Kitui John Ondego, niwakulya ene nthi ma Kitui maendeeye na kuatiiya miao ila yalanitwe ni silikali kuukitana na uwau wa Corona.