Andu ngili umwe 1,068 nimo umunthi maikiithwa kukwatwa ni uwau wa Corona.


Andu ngili umwe 1,068 nimo umunthi maikiithwa kukwatwa ni uwau wa Corona.

Kiu ni kuatiania na ithimo ila syatwaiiwa kwa andu ngili 7,398 ungu wa masaa 24 mavituka.

Kuatiania na report ila yatumiwa mivia ya unyaiikya wa mauvoo, umunthi andu 489 nimo makwatikana na uwau wa Corona vaa Ilovi, Mombasa 77, Kajiado 29,Masaku 12 na Kitui 15.

Asu 15 ma Kuma kauntini ya Kitui, maumite ngaliko sya Mwingi central na Mwingi West, Namo ma kauntini ya Masaku, maumite 4 kisioni kya Athiriver,Kalama 3, Kangundo 3 naa Machakos town 2.

Ingi vena wikwatyo munene wa kusinda uwau wa Corona, nundu ve andu angi 398,umunthi maikiithwa kuvoa vyu uwau usu wa Corona.

O na uu wiovo, ve andu angi 15 maikiithwa kwithwa manatiiwe ni thayu kumana na uwau wa Corona, mwaini muvitu wa 6 na angi kauta mwaini uu wa 7.