Andu makiria ma ngiri imwe na magana matano nio magwatitio Covid 19 kuuma mihaka yahingurwo


Minister wa ugima wa mwiri wa muingi Mutahi Kagwe aratiriha icera riake mwena wa Gicua-ini umuthi, agithurima mehariria ma kaunti ya Kwale mbaara-ini ya kuhita murimu wa Covid 19.

Kagwe aambikite icera riu matuura-ini oriri ugwatania wa murimu ucio uthiite na mbere gutherema, thutha wa thirikari kuhingura mihaka ya bururi.

Hari nduku ithano cia mbere cia kiumia giki, andu ngiri imwe na Magana matano ma mirongo itandatu na eri ni manyitikanite na ndwari iyo.

Na uhoro uria wonanitie ati kiumia giki gitanainama namba ya aruaru ni igukorwo ikinyite andu ngiri ikumi na ikauna.

Kuuma mihaka yahingurwo kaunti ya Nyandarua iria iraari na muruaru umwe, riu ni ihingitie andu eri, oriri ithimi cia angi makiria ma ikumi itanyitwo icha ikuhi.