Andu aria meyandikite mawira gutetia NHIF ni kumatirika hindi ino ya Covid


Ngwataniro cia gutetera aruti a wira ni imenereirie ruhonge rwa NHIF niundu wa kurega kurugamirira urigitani wa aruaru a Covid 19.

Ndumiriri yao arugamiriri a ikundi icio maugite ugima wa mwiri wa muingi ni kihooto kigitiirwo ni gatiba iria iraathana.

Gukiri uguo thirikari ni yuritio kuongerera kigina iguru ria mbeca iria icangagwo ni ma-million ma A-kenya aria ni a-member a NHIF.

Minister wa ugima wa mwiri Mutahi Kagwe augite aruti a wira wa muingi nio mararugamiriirwo urigitani wao ni kandi iyo, guku aria meyandikite magitirikwo.

Ihinda-ini o riu A-kenya ni mathiite na mbere kuhinyiriria thirikari irugamirire urigitani wa aruaru a homa ya Corona kugerera kandi ya NHIF.

Aria maaritie na Inooro Ruciini maugite aria marihagira kandi iyo ni maagiriirwo gutaaririo kuria mucango wao uthiaga.

Ona ikundi ngurani ta cia kindini ciugite thirikari ndibatii kwigwatia ati homa ya Covid ni king’uki, niguo kumatigira murigo wa urigitani.