Andu angi 19 kuragwo ni covid-19 guku bururi-ini


Namba ya andu aria makuite kumana na murimu wa  Covid-19 guku bururi-ini niyambatiriite na gukinya andu 1,349 thutha wa andu angi 19 guthinikanio ni murimu ucio ihinda-ini ria mathaa 24.

Namba iyo yongererekeete oriri andu angi 52 marathaitirwo  ward-ini cia ICIU, aria ni gatagati ka andu 1,114 aria maratangikirwo thibitari-ini itiganiite guku bururi-ini.

No onakuhana uguo kuri na mwihoko thutha wa andu angi 326 kuhona murimu ucio na gukinyithia 50,984 namba ya andu aria mahonete murimu ucio guku bururi-ini.

Ndumiriri-ini kuri nyumba cia mohoro ministry ya ugima wa muiri yugiite nginyagia riu andu 75,193 nio monekaniite na murimu ucio guku bururi-ini, namba iria yambatiriite na gikiro kinene  thutha wa andu angi 1,048 kuonekana na murimu ucio ihinda-ini ria matha 24.

Na ota mutugo county ya Nairobi umuthi noyo itongoretie na aruaru 408, yumiitwo thutha ni county ya Kericho na aruaru 84, county ya Mombasa aruaru 80 nayo county ya Kiambu yandikithia aruaru 71.

Ihinda-ini riu makiria ma athii 30 nimaikirio ngono barabara-ini nene ya Thika Super Highway, hindi ya muungururio wa kuhitana na andu aria marakiruka mawatho ma kuhotomia gutherema kwa murimu ucio.

Munini wa kamishna uria urugamirire gichigo kia Juja Charles Mureithi, uria ni umwe wa aria megutongoriagia muungururio ucio, augiite nimaikirie ngono makiria ma ngari 5 cia ukui wa muingi niundu wa gukiruka mawatho macio, akiuga muungururio ucio uguthii na mbere nginyagia hindi iria andu makamenya bata wa kunyita itemi hari mbara-ini ya kuhotomia murimu ucio gutherema.