Andu angi 17 gukua kumana na covid-19 guku bururi-ini


Andu angi 1,211 nimonekaniite na murimu wa covid-19 ihinda-ini ria mathaa 24, na gukinyithia 76,404 namba ya andu aria monekaniite na murimu ucio guku bururi-ini.

Onayo namba ya andu aria makuiite kumana na murimu ucio niyambatiriite na gukinya andu 1,366 thutha wa andu angi 17 guthinikanio ni murimu ucio ihinda-ini ria mathaa 24.

No onakuhana uguo andu nomarathii na mbere na kuhona murimu ucio, kuria nginyagia riu andu 51,352 mahonete murimu ucio guku bururi-ini thutha wa andu angi  368 kuongerereka umuthi.

Ndumiriri kuuma  ministry ya ugima wa muiri yonaniitie umuthi county ya  Nairobi noyo itongoretie na aruaru 410,yumiitwo thutha ni county ya Mombasa na aruaru 102, county ya migori aruaru 93,county ya  Bungoma aruaru 79, county ya Uasin Gishu aruaru 55, county ya Kiambu aruaru 42,nayo county ya  Nakuru aruaru 40.