Andu angi 14 gukua kumana na covid-19


Namba ya andu aria makuiite kumana na murimu wa covid-19 guku bururi-ini riu ikinyiitie 1,441, thutha wa andu angi 14 guthinikanio ni murimu ucio ihinda-ini ria matha 24.

Andu acio makuiite oriri aruaru angi 1,200 maratangikirwo thibitari-ini itiganiite guku bururi-ini,72 magithaitirwo ward-ini cia andu aria mahatiririo ni ndwari kana ICU.

No ohna kuhana uguo andu angi 599 nimahonete murimu ucio  na gukinyithia 54,125 namba ya andu aria oothe mahonete murimu ucio guku bururi-ini.

Na ministry ya ugima wa muiri yugiite nginyagia riu bururi wa Kenya wandikithitie aruaru 81,656 a murimu ucio thuthga wa andu angi 1,554  kuonekana na murimu ucio ihinda-ini ria mathaa 24.

Na county ya Nairobi noyo itongoretie umuthi na aruaru 546 yumiitwo thutha ni county ya Mombasa na aruaru 159, county ya Kilifi aruaru 153, county ya Kiambu 96, nayo county ya Kericho aruaru 68.