Andu angi 12 gukua kumana na covid-19


Andu angi 12 nimakuiite kumana na murimu wa covid-19 ihinda-ini ria mathaa 24, na gukinyithia 1,392 namba ya andu aria oothe mathinikanitio ni murimu ucio guku bururi-ini.

Nao andu angi 1,182 maratangikirwo thibitari-ini itiganiite guku bururi-ini, 52 mari ward-ini cia andu aria mahatiririo ni ndwari kana ICIU.

Ihinda-ini riu nayo namba ya andu aria mahonete murimu ucio guku burui-ini niyambatiriite na gukinya andu 51,903 thutha wa andu angi 396 kuhona murimu ucio.

Ndumiriri-ini kuri nyumba cia mohoro ministry ya ugima wa muiri yugiite nginyagia riu bururi wa Kenya awandikithiitie aruaru  77,785 thutha wa andu angi  413 kuonekana na murimu ucio ihinda-ini ria mathaa 24.

Na county ya Nairobi umuthi noyo itongoretie na aruaru 229, yumiitwo thutha ni county ya Mombasa na aruaru 46, county ya kiambu aruaru 22, county ya Busia aruaru 18 nayo county ya Uasin Gishu aruaru 15.

Na minister wa ugitiri wa bururi Dr Fred Matiangi niathingatiite akenya metikire kurumiriira na kinyi mawatho maria thirikari igathikiite na mworoto wa kuhotomia gutherema kwa murimu ucio,,akiuga mawatho ma kuramata  ciungano cia muingi nimo marakirukwo na gikiro kinene.