Andu 9 nimaikiithw’a kukwatwa ni covid-19 vala yu ni 25 onthe


Ene nthi 9 nimo maikiithw’a umunthi kwithiwa na tulinyu twa ikua ya corona vaa Kenya vala namba ya ala mena uwau usu yaambata nginya 25.

Aineena na aandiki ma mauvoo umunthi , minister wa uima wa mwii Mutahi Kagwe niwasya kana andu asu 25 maumite kaunti 4 ila ni Ilovi, Mombasa , Kilifi na Kwale.

Ona ou wiovo Kagwe niwaumbula kana kati wa ene nthi asu 9 maikiithw’a kukwatwa ni uwau usu umunthi ,7 ni aakenya na 2 nima nthi sya nza.

Ingi Kagwe niwasya mivea kivathukanio niyiendeeye kumanthana na andu 745 ala manathengeaniiye na asu mena tulinyu tu.