Andu 2 maratangikirwo ward-ini ya keheri-ini county-ini ya Nakuru mari na ndariri cia coronavirus


Andu 2 riu maigiitwo ward ya keheri-ini thibitari-ini nene ya Nakuru thutha wa kuonekana mari na ndariri cia murimu wa Covid-19.

Abithaa munene ministry-ini ya ugima wa muiri county-ini iyo  Dr. Samwel King’ori augiite kuri na andu angi 2 meigiite keheri-ini mici-ini ya thutha wa kuhunduka guku bururi-ini kuuma maburui-ini ma na nja.

Akiaria na mwandiki witu Robert wa Maina, King’ori augiite umwe wa aruaru acio egukaga guku mucii wa Nairobi no indi agumirwo ni mathiina makuhihia e ngari-ini ya matatu na aguthukio thibitari.

Kingori augiite  aruaru  aria marererag icigo-ini itiganiite guku bururi-ini makimenyaga nimaraumagariite nja wa bururi nimekuhinguriirwo thitango wona marikia thiku 14 cia guikara keheri-ini.