America kuga ithurano cia Tanzania ni igumiirwo ni ucuke


Thirikari ya America ni yaaniririe ati ithurano nene iria iratabanirio bururi-ini wa Tanzania muthenya wa iyo ni igumiirwo ni ucuke munene.

Ubaroothi wa America muciini munene wa Dares Salaam ugite mihang’o iyo ni iragumiirwo ni ciiko cia andu guikia kura makiria ma thabari imwe na mung’ethaniro kuguoyohio.

Hari icigo mirongo itatu na igiri cia umbunge iria maumirira macio marekereirio, President John Pombe Magufuli wa CCM aiyukitie gicunji kia mirongo inana na ithano hari igana gia kura ciothe.

Riu maumirira maria matigarite ni ma icigo magana meri ma mirongo itatu na igiri cia umbunge.

Na ni kurumirira ndeto ino thirikari ya America yugite ona gikiro kiria Magufuli atongoretie nakio ni kiroonania kuri na nganja na ithurano icio itiraari na waragania.

Na mutongoria wa mung’ethaniro Tundu Lissu wa kiama gia Chadema, augite ni eguitia mirurungano ya muingi akiregana na maumirira macio.

Gatiba ya Tanzania ndiheanite mweke kuri muhuraniri wa gutetia maumirira ma githurano gia President.

Kiama gia CCM gitongoretie muingi wa bururi ucio kwa ihinda ria miaka mirongo ina na itatu