Ambunge atumia gutetia ikinya ria BBI guteaniria giturwa kia murugamiriri wa atumia


Ambunge atumia ni maambururukite thutha wa riboti ya BBI kwendekithia giturwa kia murugamiriri wa atumia giteanirio.

Matongoretio ni Faith Gitau na Sabina wa Chege, maugite ikinya riu ni rimatunyukithitie ihooto ciao iria mahuraniire miaka miingi.

Giturwa kiu kiarehirwo ni gatiba ya mwaka wa 2010, na muoroto wa guthingatithia uigananu wa arume na atumia utongoria-ini.

Nao A-kenya a ikiro ngurani ni maheanite maoni ngurani iguru ria mendekithia ma BBI kweheria giturwa kiu.

Na mendekithia ma BBI macoketie giturwa kiu thiini wa senate, no ambunge acio maugite ma-senator matithukagirwo kigina kia ukuria.

Mumbunge Faith kuuma Nyandarua augite ma-senator atumia ona namba yao yaigananio ya arume matiriamuragwo ndundu-ini ya A-minister.

Aheanite ndumiriri ino akaria na Inooro Ruciini na njira ya mwanya.