Ambunge 2 kugumirwo ni murimu wa Covid-19


Speaker wa mbunge ya bururi  Justin Muturi ni ahithuriitie ati ambunge 2 ni magumiirwo ni murimu wa Covid-19.

Ndumiriri-ini yake kuri giikaro kia mbunge, Muturi ni atariirie ati mumbunge umwe ni arikiitie kuheo ruutha rwa kuinuka na riu eigiite keheri-ini gwaka mucii,, akiuga ucio ungi nake e thibitari no indi ndari hatika-ini.

Muturi aheaniite uhoro ucio muthenya umwe tu thutha wa ngathiti imwe guku bururi-ini kwandika ati  kuri na ambunge 6 maratangikirwo thibitari-ini itiganiite thutha wa kugumirwo ni murimu ucio.

Gukiri uguo speaker ucio nioriitie nyumba cia mohoro ciitheme kumemerekia ndeto cingitumura wagagu cigii ugima wa muiri wa ajumbe mbunge-ini ya bururi.