Amadaktari Kakamega beyama hasibahola obunoneresi obuyera humwana Salma Bilal owafwire


Amadaktari musibitali esikhongo esya Kakamega beyamire mbu hasibanyarirwa ohumanya obudinyu obwefuko echomwana omuhana Salma bilal owafwire esaa lala olunyuma wohurehulwa ohutula musibitali esikhongo esya Kakamega.

Salma ni mulala hubana abaumia ohulondehana nende ajali eyehoreha musikuli esya primari esya Kakamega nohureha abana 15 bulano nibafwire narimo Salma owafwire kata olunyuma wohumala ewiki lala nasirihwa musibitali sino ohuchakira mu ICU.

Daktari Dickson mchana niye owatire omubiri kuno nanyola mbu Salma yafwire ohulondehana nohuumia ohwefuko nohuhirwa ohuyera bulai.

Salma yayabirwe mungolobe mubirindwa ebyabaislamu mutown ya Kakamega.

Zaituma amwayi ngina Salma owabere mukilasi 5 nende mwalimu omukhongo owesikuli ya Kakamega Primary Dickson Wanyangu nibalomaloma mumasika kano babola efwa rino ryabanyorere muhwesinduha muno.

Uno ni mwalimu omukhongo wesikuli esya Kakamega Primary Dickson Wanyangu.