Alimu kwenda nzama ya KNUT inengwe ndaiya na mavata moo kuthinikiwa


Kwa ivinda yingi, ngwatanio ya kutetea alimu KNUT niyathingiliila kana,alimu mayiusyokethya wiani mwaini wa mbee sukulu syavinguwa, ethiwa nzama ya kuandika alimu TSC ndithinikia mavata ala meumatethya.

Muandiki munene wa ngwatanio isu Wilson Sossion easya kana,nzama isu ya kumaandika alimu Teachers service Commission, yina kieleelo kya kwonzya uthukumi wa ngwatanio isu, ila yithiitwe yi musitalini wa mbee kuukitia aki sya alimu vaa Kenya.

O na uu wiovo, nzama isu ya kuandika alimu TSC niyaleana na ndeto isu sya ngwatanio ya KNUT,vala yaasya vata wa nzama isu nikumathinikia mavata ma alimu undu vailite.

Beatrice Wababu ni ovisaa munene wa nzia sya mikumukanilye na wiwano museo nzamani isu ya kuandika alimu TSC.