Akomborithia a nyumba kuurio macaiire akombori aria matari na uhoti


Atongoria matiganiite nimathiite na mbere na kuuria ene nyumba cia gukomborithia metikire gukiririria akombori aria maremeetwo ni kuriha nyumba kuumana mooritu ma kimbeca maria macungiriirwo ni kinguki gia corona.

County-ini ya Uasin Gishu munini wa gavana

Daniel Chemno augiite hari bata ene nyumba icio metikire kuona mooritu maria akenya maragerera na metikire kumacaiira,miario yake ikinyitwo mbaru ni mujumbe wa ward ya Huruma Peter Chomba.