Akari ba rugirine Timau, Buuri, kurua batige kuingiira ba gaiti ruuji


Akari Timau ba nteere cia rugirine naria tuumo twingi twa ruuji turi nibakurua batige kuingiira ruuji kwona kurina ngananio kiri kurutambia kiri icigo muturi na mono bia nteere cia gaiti, ja njira ya kurwaa na murimo jwa Covid19.

Stanley Kirimi mutaalamu wa biria bituthiurukirite na mubangania mutaratara jwa Mt.Kenya Ewaso Partners akiaria na Muuga FM Timau nakuuga baingi ba akari nteere cia rugirine nibaangaratanitie ruuji na kunyiia kiwango kiria kigukinyira ba nteere cia gaiti, buaria akuuga butiagiri na kuboria baciebanie nabu kwona bonthe nibakungania ruuji kuumba kuthingatira utheru kagita gaka.

Ruterene rungi Joel Mwariama mukariri giti wa Treswani Wrua nakuria akari batonyithanie aana baria bari nja nandi na ngugi cia waandi miti kwa wingi miikano ya miuro, akiuria thirikari ya kaunti ya Meru ibae mbegu ya miti iu kwona miuro itikuuma.