Ajie ba TB kuremerwa nkuruki ni corona


Murimo jwa TB no mpanga ti aja Kenya aki indi nthigurune yonthe.

Antu 104m nibagwatagwa ni TB, na kiribo 1.5m bagakua kumana naju o mwaka.

Aja Kenya, TB iri kanyene ga tutano ja kaumo ga ikuu, aria mwaka muthiru, gwakujiri makarika 86,504 ja TB na gutungatwa, gicunci kiajo gia 10 kiri kia aana.

Dr. Rashid Aman mwandiki munene murungamiri wa ugima bwa mwiri, akiaria kagita ka gikaro kia o ntuku narua, nagwetete murimo juju ta juguchangira anene ikuu bia virus ya corona, aria ongerete kuuga makarika ja TB jaria jatikwigua dawa nijongerekete, untu buria butwikite thiina kiri gutungata ajie ba murimo juju, na mono baria kiribo bagwatwa ni corona.

Nakuuga amwe na kwithirwa ithimi na utungata bwa TB ni bwa utheri cibitarine cia mwingi na cia dini mwanya, ti bonthe bagukinyirwa nibu, na nikio baciatirite kwona ajie bonthe ba murimo juju nibagutungatwa tariria.

Niuntu bwa untu bubu, ministry ya ugima bwa mwiri narua nibaruguritie mitaratara iiri ya utungata bwa ajie ba murimo jwa TB, na mworoto jwa kujuthiria gwikinya mwaka jwa 2030.