Ajie 12 ba murimo jwa corona gukua ndene ya mathaa 24 mathiru


Ajie 12 ba murimo jwa corona nibakwite ndene ya mathaa 24 mathiru, na gwankia mungana jwa ikuu kumana naju aja nthigurune 1,392.

Kiri ntumiri nyombene cia nteto, minista wa ugima bwa mwiri Mutahi Kagwe nongerete kuuga antu bangi 413 nibagwtaithitue murimo juu gwa kagita o kau kumana na ithimi 3,489 na makarika aja nthigurune gwanka 77, 785.

Gwanka nandi kurina ajie 1,182 bamami cibitari mwanya aja nthigurune indiria bangi 7, 142 bakumenyerwa bari nja.

Gwa kagita o kau ka mathaa 24 mathiru, ajie 396 niborete kumana na murimo juu, mungana jwabo jugianka 51, 903 aja nthigurune.

Kiri makarika jau meeru kaunti ya Meru ni imwe ya kaunti iria ijakujirite irinajo 9, Imenti North 6 na Imenti South 3.