Ahunjia guthii na mbere na kuuria thirikari ihingurithie makanitha


Atongoria a makanitha matiganiite nimathiite na mbere na kuuria thirikari itikirie makanitha mahingurwo, makiuga mari na uhote wa guthingatiothia mitaratara iria thirikari ingienda kugathika na mworoto wa kuramata makanitha.

Makiaria hindi ya mahoya ma hawe kanitha-ini wa Catholic wa Sacred Heart of Jesus Cathederal county-ini ya  Murang’a,,atungatiri acio maugiite angikorwo thirikari niyahingurithirie mikawa iiria igomanagwo ni andu aingi, ona makanitha mabatii mahingurwo niguo ahunjia mahote gutungatira etikia aria makoretwo makigerera mooritu maingi ihinda-ini riri bururi ugumiirwo ni kinguki gia corona.

Ritana riao ni rinyitiitwo mbaru ni muikariri giti wa kiama kia Jubilee county-ini ya Kirinyaga Muriithi wa Kangara, akiuga kuuma hindi iria makanitha mahingirwo ahunjia aingi nimakoretwo magithinika kuona riu etikia aingi matihothaga,,akiuga ihinda-ini ta riri kwina moritu niguo mahoya marabatarania makiria.