Ahunjia a ndini ngurani guthingata muingi withomere riboti ya BBI


Atongoria a kindini mwena wa Uasin Gishu ni moritie A-kenya guithomera riboti ya BBI niguo magakinyaniria matua marumu kura-ini ya maoni.

Makiaria mwena wa Eldoret, maugite riboti iyo yaagiriire gucirirwo na njira ya uiguithanio niguo guithema na ngayukano.

Oho ni mahinyiririe ateti matigatabanie kambeni cia ithurano cia mwaka wa 2022 makihuthia mweke wa kwendekithia kana kumenithia BBI.

Ihinda-ini o riu gikundi kimwe kia mbeu njithi ni kiyumiritie na muoroto wa guthomithia muingi mendekithia ma  BBI.

Mihang’o iyo yaambiriirie mwena wa Nakuru, mutongoria wa gikundi kiu Moses Esekon maugite megutuikania bururi mugima magitauragira muingi makiria aria matoi guthoma.

Uhoro uyu ukite oriri kiama kia arigitani bururi-ini gitetetie guthaganio kwa micemanio ya muingi ya kwendekithia BBI oriri homa ya Corona ithiite na mbere gutherema.