Aciari kumeneeria cukuru impwii cia kuingatiria aritwa biici


Aciari mutaani wa ibanda wa Machaka wadi ya Kibirichia Buuri ibameneeretie mpwii ira cukuru ciambiritie kuingatiria aana biici amwe na thirikari kuuga aritwa utiigua bakiingatua.

Ibauriitie thirikari ya kaunty na ubisi bwa mubunge kurutha mpwii kweyana bursary kaingo aana baago bathi mbere na mathomo bura kubatiiri.

Nabo aciari kaunty ya Kakamega ibameneeretie cukuru imwe kaunty inu i kira bakuuga ikwongeerwa ngarama cia guchokia aana cukuru.

Batongoreetue i Elisha Mukonyi, muciari wa cukuru ya Mahiakalo gishigo mbunge kia Lulambi baugiite aritwa bariirwa bagure desk na kurea mbeca cingi batakuirwa i ciambi mbere ya guitigiirua cukuru.

Baugiite kinya nyuma ya minista wa kithomo Prof George Magoha kuuga aritwa batikeengatirue biici, baingi ba aritwa ibachokeetue mijii kuthi kugiira mbeca.