Aciari guthingata thirikari ikorwo na mwerekera umwe wigii kuhingurwo kwa mathukuru


Anyiti itemi ruhonge-ini rwa githomo maragomana umuthi gucirira mwerekera wa kuhingurwo kwa mathukuru.

Minister wa githomo Prof George Magoha niwe uragomithania giikaro kiu guku Nairobi oriri ugwatania wa murimu wa Covid 19 uthiite na mbere gutiruka.

Na aciari, arutwo hamwe na arutani metereire itua ria mucemanio ucio na githethuko aingi makienda thirikari ikorwo na murugamo umwe wa gucokereria gwa githomo.

Ihinda-ini o riu aciari ni mahinyiririe thikari ikorwo na uumiranu iguru ria mwerekera wa hindi iria githomo gigacokereria.

Aria maaritie na Inooro Ruciini mwena wa Nyandarua, maugite minister wa githomo Prof George Magoha akoretwo akiheana ndeto itari na uumiranu na uguo kuiga arutwo na wagagu.

Oho aingi maugite matiri na mbeca cia bithi kurumirira moritu maria marehetwo ni homa ya Corona, makiendekithia mathukuru makahingurwo January ya mwaka ukite wa 2021.