Aciari gutetia thirikari thutha wa ciana ciao kuingatirwo marihi ma bithi


Aciari riu ni matetetie ikinya ria arugamiriri a mathukuru mamwe gukorwo makiingata ciana niundu wa marihi ma bithi.

Mwena wa Uasin Gishu ni kumwe gwa kuria arutwo matumitwo micii, aciari makiuga ikinya riu ni mugaru na mwerekera wa thirikari.

No mwandiki mukaru ministry-ini ya githomo Dr Belio Kipsang ni oritie aciari marihe bithi niguo gukinyanirio mihang’o ya mathomo.

Ihinda-ini o riu thirikari ni ing’etheirwo ni aciari na njira nene makiuga ni irahuthiriria ugwati wa murimu wa Covid 19 uria ugumiire mathukuru mirongo itatu na matano guothe bururi-ini.

Aria maaritie na Inooro Ruciini, maugite itua ria kuhinga mathukuru ribatii gukinyanirio naihenya niguo kugitira arutwo na aruatani.

Nginyagia riu arutwo ikumi na mugwanja, arutani mirongo itatu na aruti wira ana mathukuru-ini nguranio ni manyitikanite na murimu ucio kuuma githomo giacokereria tariki ikumi na igiri mweri uyu.