Abunge ba Kenya kwenda Ethiopia iromba urekeri ikuingira Juma kinyume na watho


Abunge ba aaga Kenya ibakwenda nthiguru ya Ethiopia kuromba urekeri nontu bwa kuingira mwandiki ntheto Yassin Juma kinyume na watho.

Bakiaria nyuma ya mukariri giti wa kamiti ya ukaria Katoo Ole Mitito kuruta ntumiiri ya rwong’i rwa nthiguru cia ome, abunge babu ibendeete kumenya gitumi kia Juma kuingirwa kinya nyuma ya koti nthiguru inu kuuga arekue.

Amwe noogu, Katoo natheteerete ministry akiuga nearuthire bunthe bura bwaumbikaga kwona Juma akurekua.

Abunge babu ibaugiite nthiguru atuuri ba Kenya iri na mutugu wa kunyamaaria akenya bara bari kiri cio na kuuria ministry ya mantu ma nthiguru cia ome kwariiria untu bubu kuleta ngwataniro imbega na atuuri.

Baugiite nthiguru ta Uganda na Tanzania wigiitue ikinyamaaria akenya na thirikari itathukie itagaaria, untu bura bakuuga ibubatiiri gukinya muthia.