Abana boda boda Nyamira bachakirie chinamba chia beene kwemanyekania


Ekeombe kia abagendi be chipigipigi chia boda boda korwa ase esub county ya Nyamira south gwetera omonyakerogo oye Robin onyancha giachakirie omoroberi bwo okwenana chinamba chia beene gochia ase abagendi bonsi ba boda boda be ensemo eyio gotumeka kobamanyekania erio gosiria ebikore bio obosaria bigokorwa ne ensemo ya abagendi ba boda boda.

Gokwana ime yo omochi o Nyamira chingaki chio ogochakia omoroberi oyio onyancha nigo ateba chinamba echio chibwate erangi ya yellow nigo chigochi kobekwa ase chipigipigi erio kobaatanana abagendi be chipigipigi korwa ase chinsemo chinde bagosoa ime ye ensemo eyio.

Egetambokero ekio nigo kiaegwa ne ensemo ya abarai ba abana boda boda gati yabo omokonyi bwo omonyakerogo obo James omeru amo na Jackson Nyambane abwo babagania abana boda boda koa okoboko omoroberi oyio.