Abakenya barinda ohulola serikali niinaregul;usa amalako


Abakenya bulano bari ohuchiririra ohurinda ohulola nikari omutuki Uhuru Kenyatta yecha ohufungula obuchumi nohureha abandu ohuchiririra nobulamu mungira yoburehule olunyuma wemiesi 3 echohulwana nehua eryebirusi ebya Corona erichiririra ohubao.

Mungolobe Waziri muwizara yamahua akomukati Fred Matiangi mungolobe yabere nomuhungano nende abemeresi ohutuyla mumuhono okwamakanisa ohutema ohulomalola hungeri echinyala ohwehonyerwa ohuberesa abakenya oburehule.

Ehua erya Carfew nende elako erikala bala abari Nairobi, Mombasa nende Lamu ohukenda ohucha mu county echindi niribonehana ohukalusa enyuma omupango kwohuhola obwobuchumi. Kata katyo, karuo amalako akanachiririra ohubao ngohwesaba amahono, ohufwala emaski nohwikala abandu ohuba alala mubungi ebiha bilala.

Mungolobe serikali yatangasire abandu abandi 62 abanyorehane nebirusi bya Corona eno nairobi niichiririra ohwandikisa enamba yakulu. Ohuula bulano enamba yabala abanyorehane nomuyaka kuno mukenya muno borere 1,348.