Ababunge ba Tanga Tanga batebire ebagochi goikerana emesangererekano ya BBI


Ababunge be ekiama gia Jubilee bare ase ekeombe gia tanga tanga ekio kemoete okoboko omokonyi bwo omorai bwe ense William Ruto bono batebire buna nigo barabe bagoikerana emesangererekano yo oroboti rwe ekeombe gio okobabwatani abakenya BBI ekwarigania kenya engima gochakera omosangererekano o mombasa eikendi eye.

Gokwanera abariki amangana aiga Nairobi ababunge abwo barau no omorai bwo omobaro omonene ase ebunge ye esenate kipchumba murkomen, susan kihika, kimani Ichungwa, sylvanus osoro, Benjamin washiali gati ya abande nigo bateba baete okoboko boikeranu oroboti rwa bbi korengana buna rwaariganetigwe na koria eira gochi kobaboria ababwatani babo koenana ebirengererio biabo igoro yo oroboti orwo.

Ababunge abwo babeire bakwamereria ogokorekana kwe emesangererekano eyio ya BBI ase keri bagoteba no ogotuguta chibesa chia abananchi nigo baganirie yaariganigwe ne chibesa chigochangwa na abarai ba kisiasa.