Ababunge ba tanga tanga bakureirwe kobeka omorembe ase omosangererekano o BBI mombasa


Ababunge baete okoboko ogocha amo kwo omorai bwe ense Uhuru kenyatta amo no omorai bwe ekiama kia ODM Raila Odinga babakureire abamwabo be ekeombe gia tanga tanga abwo bamoete okoboko omokonyi bwo omorai bwe ense William Ruto tibaenana amagani ande onsi chingaki bagochi gosanga nabwo goikerana omosangererekano bwo okobamanyia abananchi igoro yo oroboti rwa BBI orobereirie gochi gokorekana ime ya mombasa eikendi eye.

Ababunge abwo bakorau no omoteneneri bwa ababunge bo omobaro omoke ase ebunge enene Junet mohammed amo no omokonyi bwo omorai bwo omobaro omoke ase ebunge ye esenate Cleophas malala batebire buna nonya kera omokenya kabwate obosibore bwo ogoikerana omosangererekano oyio abarai abwo tibabwenereti gocha na amachiko abo.

Boigo omosenator o Nairobi Johnson sakaja amo no omobunge o kieni kanini kega batuguteire are amangana buna emesangererekano eyio ya bbi erengete siasa chio omwaka bwe 2022 na kobagania abarai gotiga komochecheria omorai bwe ense uhuru kenyatta.