Aayumbe ma bunge nene kwenda ala meukonanwa na ulusani wa mbesa sya kuukita Corona makanwe


Aayumbe ma bunge nene, yu meenda oonthe ala meukonanwa na ung’ei wa mbesa sya mweene nthi ila inavangiiwe kuukitana na uwau wa Corona masyimwe na kwosewa matambya metu ma kii miao ala mailite.

Aayumbe asu ala mei na uthatu munene,meteta kana, o na itina wa musumbi kumya mwiao itambya yiu yoswe kwa andu ta asu, vai undu uneeisya kwikwa.

Ingi Aayumbe asu meendaa miiyo ila iminite kuthoowa kwisiania na uwau wa Corona ni muvia wa KEMSA vaa Kenya, inenganwe kutetheesya daktari yila syi wiani.