Aajie bangi 14 gukua kuumania na corona mathaa 24 mathiru


Aajie bangi 14 ibakuite kuumania na corona kwa mathaa 24 mathiru na gukinyithia namba ya ikuo 884.

Kulingana na riboti ya ministry ya ugima bwa mwiri yeegie corona ntugu ya imunthi, antu 631 ibawatikaniite na murimo uyu kuuma kiri ithimi 6,142 na gukinyithia makarika monthe 47,843.

Kaunty ya Nairobi neo itongoreetie na makarika 235, Mombasa 76, Kilifi 52 neo Kisumu iri na makarika 30.

Kaunty cingi 28 iciandikithiitie makarika ma corona ntugu yaa imunthi ara Meru iri na aajie baimbia 10, Embu 3, Tharaka Nithi 1 na Isiolo 1.

Gati ka aajie kaunty ya Meru, 5 baumiite Imenti North, 3 Igembe North na 2 Igembe South.

Umwe wa kaunty ya Tharaka Nithi aumiite Tharaka South na wa Isiolo aumiite Isiolo town.

Kagiitani gaku, ministry ya ugima bwa mwiri nitumiiritie kubua kwa aajjie bangi 371 na gukinyithia namba ya bonthe bara barikiitie kubua 33,421.